أخبار وطنية

بالفيديو: فتاة تونسية توثق لحظة اختطافها و تعنيفها من سائق تاكسي في غابة

حادثة غريبة جدت لإحدى الفتيات حيث عمد سائق تاكسي إلى سحلها من سيارته وإعتدى عليها بالعنف والعنف اللفظي لأنها طلبت منه النقل إلى اريانة فرفض .. وأيضا أنها لست في طريقه ..
الفتاة وثقت هذا الإعتداء على هاتفها الجوال ولكن السؤال المطروح لماذا لم تتدخل نقابة التاكسيات لمعاقبته وأيضا وزارة النقل التي اتخذت سياسة لا شفت لا سمعت ويا شعب كولو بعضكم ..
وهذه بعد المقتطفات من الفيديو الذي أنزلته الفتاة على حسابها الفيسبوكي ..

كل يوم قسوات بلادنا عبثوا بيها و خلاونا ناكلوا في بعضنا يعجلناش نلموا باش ناكلوا و نسكروا فامنا من فوق و عادي سنّة الله في خلقوا أما اللي قاعدين نسكتوا عليه من تسيب و قلة حياء و انعدام المسؤولية اليوم ما جيتش نحكيلكم على بوسطة ولا بانكا ولا سبيطار نحكيلكم على تاكسي اللي أي مواطن تونسي ينجم يطلع معاه يعني التاكسي أكثر عمل فيه مسؤولية كبيرة و جاا الوقت باش الناس الكل تعرف شنوة ليها و شنوة عليها و نذكركم في شوية قوانين للتاكسيات اللي كل يوم و ما فما حتى واحد ما صارش معاه نفس الطريقة، اللي الحريف بعد ما يطلع ف التاكسي التاكسيستي ما عندوا حتى ربع حق باش يدبر فيك وين ماشي يحط الكونتور و يخرج ما خطرلوش ولا صار أي مشكل يمشي لمركز الشرطة و هوما يدخلوا… هذا القانون العادي أما التاكسيات و كل عادة نقول مش التاكسيات الكل فما البعض منهم و الأقلية زادة يخدموا بضمير أما الباقي فقانونهم هوما و الجنس كان راجل يوصل و يسكت كان طفلة يصير فيها اللي صار فيا كان مش أكثر. 28/12/2020…. 6:50 “أريانة ع الصباح” قاصدة ربي من المحمدية ماشية نعدي فالبرمي أول مرة على روحي فرحانة عاملة جو نوقف التاكسي لولا ما يحبش يمشي لأريانة نوقف الثانية نفس الشي الثالثة كيف كيف يا رسول الله و أنا أول وحدة نعدي 8:30 لازم نكون غادي و زيد حبيت نخرج بكري باش نزيد نعمل ساعة قلت ما عادش فيها التاكسي الجاية والله ما نصور التسيب و التمانيك اللي قاعد يصير نستخايلها حدها حد ما نوصلكش نلقى السيد شاد بيا ثنية لخلااا و يهدد فيا بالحرف ( آ تحب تمشي لأريانة أوك هاني باش نهز نحيلك والديك) و أنا الرعب اللي عشتوا ما يتوصفش بقيت مخبيتوا وراا القوة على أمل ربي يهديه راجل كبير ما عندوا ما يعملي خليني نكون سبب و الدمالة متع التاكسيات نكون حتى 1٪ سبب باش تتفقع خاتر كبر بيهم الشي بلاد نساو اللي فيها قانون و في كل خدمة فما لعوج أما باش يوصل يصير فيا هكا من تاكسي و راجل كبيرررر زادة كلام زايد، شتم، ابتزاز تقريبا في كل كلمة قالها كنت نتصدم و مع العلم انوا كان في بالوا اللي أنا نصور فيه و طرف خوف ما شفتوش فتحول الموضوع في نضري ليها الدرجة هكا وصلت بلادنا و المشكلة لحبوسات معبية.. بعد ساعة و أنا مانيش عارفة روحي وين هازني سمعني نحكي طلبت أختي قلتلها تهبط للمركز و تعلمهم باللي صار معايا خاتر كي ما شفتوش خايف زدت خفت ولا رجع بيا كياس عادي و يهبطني بالقوة بعد ما رمالي ساكي فالزيتون “دوار الحوش بعد السكة” و يفارع فيا من يدي لين منڨالتي طاحت رغم أنها شادة روحها مليح يعني مش بالساهل تتقطع و يخدم الكرهبة و يمشي و يا ناس ما كان باس عادي حاجة كيف ما هكا متعود بيها أما المشكل حتى واحد ينجم يكون سمعوه ف المراكز لين باش نوصلوا في وقت عادي أي غريبة يعني أنا 1- نكون الله أعلم وين لولا انوا سمع اللي أختي هابطة تخبر و زيد السيد بعد ما تم القبض عليه و يرجع الشكر لمركز الشرطة بنعسان قاموا بواجبهم، الفرعون هذاكا ما قابلتوش قابلت راجل ملايكة على راسو تاج و هذا اللي زاد كبر ف المشكلة أني أنا لولا انها كانت حكاية التاكسيات قضية لازم تتحل في مخي نسامحوا خاتر مسكين ناقم على النساء و قاضيتوا فالطلاق فلما سمعت من فموا لكلام هذاكا عرفت إنوا ربي و دعاء الخير حماوني ثنية كاملة…. هذي حكاية من بين 100000 حكاية قاعدة تصير كل يوم و نسيت حاجة كي التاكسيستي يضرب فيا و يهبط فيا فما مارة و حتى. راجل حر ما تدخل شافوه طيشلي ساكي سمعو لكلام اللي يقولي فيه خاتر قلهم وحدة فاسدة.. أنا فاسدة خاتر قتلوا هزني لأريانة الصباح

هذه التعاليق لا تعبر عن توجهات الموقع و إنما تعبر عن رأي صاحبها

Click to comment

Leave a Reply

Votre adresse e-mail ne sera pas publiée. Les champs obligatoires sont indiqués avec *

 

Ce site utilise Akismet pour réduire les indésirables. En savoir plus sur comment les données de vos commentaires sont utilisées.

الأكثر تداولا

To Top

Powered by themekiller.com anime4online.com animextoon.com apk4phone.com tengag.com moviekillers.com